Po hand'ler
(e rifondou walon po Lucyin Mahin)
Dispoy si rassonraedje e 1991, li gregne del cinse a cnoxhou bén des ocupaedjes : sålons d’ anticåres, espôzucions, fiesses di danse, teyåte…
Å cminçmint d’ avri 2011, nosse soce « Li Rawete » î a drovou on martchî d’ vîs lives et d’ belès afwaires avou çou k’ les djins lyi dnèt po l’ sotni.
Li no di ç martchî la, « Les chineus golafes », vént del curieusté, do plaijhi di discovri, del passion des amateurs po les belès viyreyes mins ossu di l’ amour, et minme del golafté des francs lijheus. Adon
vos, les chineus golafes, ki cwerèt
des vîs lives et des vîs cayets, soeyoz les bénvnous !
Li martchî
Lès belès vizreyes sont cobén bizåres, ca nos inmans ça. Schieles, keuves, pintes, frezés, plats-cous, plates, flasses, assîtes, etc. mins ossu usteyes, tåvleas, posteures, gayoles, medayes, etc.
Po les lives : end a tot neur ! bén classés :
| Literateure | ... | romans d’ police, di syince-ficcion, evnd. |
| Lingaedjes | motîs (diccionaires), croejhetes (grammaires), eciclopedeye… | |
| Eciclopedeyes | ||
| Belgicana | ||
| Lives d’ istwere | Antikité, gueres, itswere del France, itswere do monde, biyografeyes, evnd. | |
| Transpôrts | areyoplanes, tréns, vweteures, evnd. | |
| Pasmint d’ tins | coujhene, tchesse, pexhe, costeure… | |
| Bindes d’ imådjes | po les ptits et les grands | |
| Lives po ls efants | contes, romans, lives ahessåves | |
| Årts | cinema, foto, danse, årmurreye, éndjolike, pondeure, scultaedje… | |
| Nateure | oceyans, plantes, biesses, cortis… | |
| Tourisse | guides, lives so des plaeces a pårt | |
| Syinces | medcene, sicolodjeye… | |
| Riyotreyes | ||
| Ezoterisse | ||
| Rilidjons |
Si vos n trovez nén li råle piele k’ vos cweroz après, dimandez a Charles ou Josée, nos boute-po-rén, ca tos les lives ni sont nén so les tåves, i gn a des ôtes di rcandje !
Et vos nos poloz todi dner vos lives ou vos ancyins cayets ki vos vos endè vloz dihaler ! C’ est mî ki d’ les taper a l’ ouxh ou å batch ås crasses !
Temonaedjes :
Je viens très souvent et je trouve toujours mon bonheur.
Christine Legrand, Huy, juin 2014
Très bon accueil
André P., Villers-le-Bouillet, mars 2015