On mûsêye po lès goûrmèts, lès goûrmands èt lès goulafes !
Po dihovri l'istwére curieûse èt amûzante dèl couhène
èt d’ l’amagnî di l'antikité disqu'asteûre
Ci mûzêye chal prézinte l'archéologie, l'istwére èt l'folklôre dèl Goûrmandîse.
 |
Li såle d'èspôzicion prézinte 1 200 pèces, meûbes, tåv'lês, råres ou èwarants, po l'couhène èt l'toûbak', di l'antikité disqu'asteûre, fwért difèrints èt qu'on mosteûre a fêt'. |  |
Vos i sèrez...
-
- èmèrviyî divant l’ bêté dès fiérs ås wafes
- ’estoumaké po l' cålité dès ahèsses
- dimandant dès kèsses èt dès mèsses divant si télemint dès ustèyes…
- hapé po lès pinteûres d’à Joos Goemare èt Jacqueline Lurkin
- èsblawi po lès chè-d’eûves !
Dè pot a l'toûbak' " d'égoïste " å l'afiche d'å Julian Key, tot passant po l'loce å chôcolåt, li pîpète, li pwète-fidibus, li covèt, tot çoula v's-è-st-èspliké. Et lès guides s'î k'nohèt..
On fêt dès vizites spéciåles po lès scoles, al manîre dès mêsses. Enseignants, voyez la page qui vous est consacrée !
Li Mûzêye a dèdja prusté sovint dès pèces po dès-èspôzicions èl Walonerèye, à Brussèle èt minme amon lès Flaminds.
Il èst divins lès « Guide des Musées de la Communauté française Wallonie-Bruxelles », « Guide des Musées de la Province de Liège » èt divins... « Le Petit Futé Liège » !
On l'a dèdja vèyou so l' TV !
Li conservateûr dè mûsêye avou Jany Paquay qui èst v'nowe al cinse
po toûner ine « Wallons-nous »
(ine emission produte po Guy Fontaine po li Radio Televuzion bedje dèl Comunôté francèse).
On troûve li Mûzêye dèl Goûrmandîse divins on bon bê andrwèt ki dåtèt principålemint dès XVIIe èt XVIIIe siéke, divins lès såles coviètes di voûtes dèl Cinse dè tchèstê à Hermåle-dizos-Hu.
Lès batimints dèl cinse sont tot-åtoû d'ine coûr pavêye, avou dès fleûrs, wice qui lès-èfants polèt djouwer sins dandjî. Li lodjis' dèl cinse, so l'costé dè nôrd riçut ine toûr cwårèye, pwète disfindowe d'avance par on pont lèvis. C'èsteut li seûle intrèye po moussî è tchèstê. Vos i veûrez scrit so li d'zeûr dèl pwète 1642.
Eune dès pus bèlès grègnes « so l'lårdjeûr » dèl Province di Lîdje (17 m. di hôt so 14 di lådje èt 32 di long) a treûs lèvês don lès tchèrpintes s'ènondèt so l'costé sûd. La on troûve on martchî d' boukins èt supwèrtés : « Les Chineurs gourmands ».
Divins l'cinse ossi, li Mûsêye Posses restantes po l'itswère dèl posse èt dèl scriyèdje.
Lès djins polèt viziter l'cinse li sèm'di (14-18 h) èt l'dîmègne (11-18). Avå l'saminne, so radjoû, po lès groupes.
Po lès groupes, on pout èmantchî li vizite dèl cinse avou celle dès mûsêyes. Oufti !
Li Mûzêye è-st-å lådje tote l'annêye - FR / NL
Tos lès sèm'dis èt lès dîmègnes, tot d'mandant on radjoû.
Avå l'saminne, po lès groupes, tot d'mandant on radjoû.
+32- (0)85 31 42 86
I-n-a tofér on guide èt li vizite deûre 1 eûre 30.
Kibin påye-t-on ? (avou guide) :
divins on comité...
Téléchargez èt imprîmez nos dôcumints :
Information complète (.pdf)
Tèmwègnèdje :
Mèrci èco bråmin dès cops po vosse visite è vosse musèye. Dji ni vos roûvèye nin, dji m'a va vos apontî tote sôrs di scriyèdjes so l'amagnî èt dès afères dè Rwèyål Caveau lîdjwès.
Michèle Stijns Docquier, nèye å Ombrèt-Rawså - 9 aous' 2005 - po mèl
Li mûsêye n' ricût nin on liard dèl Fédération Wallonie-Bruxelles ;
çoula ni l'espêtche nin d'èsse di rôye avou li Code de respect des usagers culturels ca on féve dèdja insi chal.